Куыд зонæм афтæмæй, республикæйы сæргълæууæджы уынаффæмæ гæсгæ, проекты фæткыл профилон министрад бирæ рæстæг куыста
Фæлварæн проекттæ ахадгæ кæй уыдзысты, уый хынцгæйæ республикæйы хицауады сæрдар Тускъаты Таймураз, Æрæфы æмæ Алагиры районты муниципалон скондты хицæуттимæ бафыста æмгуыстады бадзырд. Куыд зонæм афтæмæй, республикæйы сæргълæууæджы уынаффæмæ гæсгæ, проекты фæткыл профилон министрад бирæ рæстæг куыста. Тагъд райрæзты территориты нысан у цæмæй 3 къабазмæ гæсгæ арæзт æрцæуой инвестицион проекттæ. Сты – туризм, хъæууон хæдзарад æмæ промышленность. Проекты архайджытæн арæзт уыдзысты хорз куысты фадæттæ. Снывыл кодтой инженерон æмæ фæндаггон инфраструктурæ. Æфтиæгты хъалон дæр здæхт цæудзæн хуымæтæг системæмæ гæсгæ. Абоны бонмæ сфидар кодтой 5 инвестицион проекты – 3 царды рацæудзысты Алагиры районы, дыууæ та Æрæфы районы. Фидæны проектмæ хаст цæудзысты Цæгат Ирыстоны иннæ районтæ дæр.
