Ацы бонты фыст æрцыд æмгуыстады бадзырд
Территориты экономикон рæзтмæ ныртæккæ стыр æргом здæхт цæуы. Ацы бонты фыст æрцыд æмгуыстады бадзырд. Уымæ гæсгæ нæ республикæ зынгæ къахдзæфтæ акæндзæн туризмы, хъæууон хæдзарады æмæ промышленносты. Фидæны резиденттæн арæзт æрцæудзысты æппæт æмбæлгæ уавæртæ. Дарддæр радзурдзæн Хæуытаты Зитæ.
Цæгат Ирыстоны арæзт æрцыдысты экономикæйы рæзтæн ног авналæнтæ. Уый тыххæй бадзырд бафыстой Цæгат Ирыстоны хицауады сæрдар Тускаты Таймураз, Алагиры æмæ Æрæфы районты сæргъллæуджытæ. Сæ хъуыдымæ гæсгæ бадзырдыл æвæрынц стыр ныфсытæ, уымæн æмæ ацы ног авналæнтæй арæзгæ уыдзæн муниципалон ахуырад æмæ йæ дарддæры арæзт.
Ацы закъон фидаргонд æрцыд 2008-æм азы. Фæлæ цавæрдæр аххосæгтæм гæсгæ æнæцæстдардæй баззад. Проект сног кодтой нæ республикæйы сæргълæууæг Битарты Вячеславы уынаффæмæ гæсгæ. Цалдæр мæймæ профилон министрад куыста сæ размæ æвæрд хæсыл æмæ дзы цы фарстатæ уыд, уыдоныл. Парламентты депутатты руаджы законы проекты ивддзинæдтæ æрцыд. Хохрæбыны дзы бирæ зæххытæ кæй уыди, уымæ гæсгæ равзæрстой Алагиры æмæ Æрæфы районтæ. Æппæты фыццаг дзы куыст цæудзæн фондз проектыл, уыдоны хсæн – туризм, хъæууон хæдзарадон æмæ промышленность.
Уымæй уæлдай ма амалхъом адæм сæхгæндзысты, фæдзæхстадæн цы хца радих кодтой, уыдон. Цы проекттæ æвзæрст æрцыдысты, уыдоныл кусгæйæ хъуамæ 3-4 азмæ фæзына 150 ног куысты бынаты. Æдæппæтæй инвестицитæн сæ нымæц уыдзæн 65 милуан соммæ ввахс. Ацы фембæлды ма бафыстой иумæйаг бадзырд. Мызуры хуыйæн фабрикæ, æхсыры куыстгæнæг завод Уыналы. Уæллаг Зджыды дæр хъуамæ арæзт æрцæуа ног фæлладуадзæн бынат 2021 азы.
Сергей Селезнев Æрæфы районы аразын райдыдта эко-туристон комплекс » Камахостел». Цæмæй йæ хъуыды йæ къухы бафта, уый тыххæй проекты архайдмæ йæхи бацæттæ кодта тынг бæрнонæй.
Ацы ног проекттæ фадат дæттынц æрмæст нæ республикæйы ног экономикон райрæзтæн нæ, фæлæ ма нæ фæсивæдæн дæр. Дæттынц ног куысты бынæттæ , ног фадаттæ .
