Цæгат Ирыстоны паддзахадон университеты физикон-математикон факультеты арæзт æрцыд программæйы презентаци
Нæ республикæйы йæ куыст райдыдта программæ Alania business accelerator. Арæзт у фæсивæды ргом экономикон архайдмæ здахынмæ. Цæгат Ирыстоны паддзахадон университеты физикон-математикон факультеты арæзт æрцыд программæйы презентаци. Архайдтой дзы фæсивæды хъуыддæгты фæдыл комитеты уæнгтæ æмæ районты бынæттон администрациты минæвæрттæ. Программæ æххæстгонд цæудзæн цалдæр къæпхæнæй. Скъолаты фæсивæдæн арæзт цæудзысты бизнес-тренингтæ, семинартæ æмæ ахуырадон хъæзтытæ. Уым сын дзурдзысты амалхъомдзинады бындурты тыххæй. Кæронбæттæн къæпхæнты бизнес акселератор йæ архайджытæн скæндзæн конкурстæ. Уым лæппутæ æмæ чызджытæ лыг кæндзысты бизнесы фарстатæ. Конкурсы уæлахиздзаутæн æмæ архайджытæн дæтдзысты зæрдылдарæн лæвæрттæ æмæ сын паддзахадон æххуыс кæндзысты амалхъомдзинады хъæппæристы.