Республикæйы cæргълæууæг муфтийæн арфæ ракодта йæ активон куысты тыххæй, уыимæ, фæсивæды раст хъомыладыл кæй архайы, уый тыххæй дæр
Битарты Вячеславæн кусæг фембæлд уыди республикæйы пысылмæтты управленийы сæрдар Гуæцæлты Хадзымуратимæ. Республикæйы cæргълæууæг муфтийæн арфæ ракодта йæ активон куысты тыххæй, уыимæ, фæсивæды раст хъомыладыл кæй архайы, уый тыххæй дæр. Куыд фæнысан кодта, афтæмæй управлени стыр æвæрæн хæссы регионы нациты хсæн бастдзинæдтæ фидар кæнынмæ. Гуæцæлты Хадзымурат бузныг загъта республикæйы разамонæгæн йæ алывæрсыг æххуысы тыххæй. Йæ ныхæстæм гæсгæ, фæсивæдимæ рухстауæн куыст цæудзæни дарддæр. Фембæлды рæстæг æрныхас кодтой къорд ахсджиаг фарстайыл. Муфтий радзырдта управленийы ивгъуыд азы куысты хатдзæгты тыххæй, стæй фехъусын кодта ног нысантæ дæр.
