Æвзонг специалисттæ ерыс кодтой 30 компетенцийы
«Æрыгон профессионалты» гом регионалон чемпионат кæронмæ æрхæццæ. Æвзонг специалисттæ ерыс кодтой 30 компетенцийы. Уæлахиздзаутæ хорзæхгонд æрцыдысты кады гæххæттытæй æмæ æхцайы премитæй. Кадджын мадзал арæзт æрцыд ЦИПУ-йы концертон залы. Хуыздæрты хсæн уыдысты Елхоты бирæвæрсыг колледжы студенттæ. Фæсивæд æрæмбырд кодтой æппæтæй фылдæр баллтæ. Сæ дæсныйады сусæгдзинæдтимæ сын базонгæ не сфæлдыстадон къорд дæр. Бæлвырддæр — Касаты Наирæ.
Фидаргæнæн мадзæлттæ æмæ сæрмагонд уæлæдарæс — æмæ сты цæттæ. Æдасдзинады фæтк у бæрæггæнæнтæй ахсджиагдæр. Фæстаг инструктаж. Фыццæгтæ фæцæуынц капитантæ. Елхоты бирæвæрсын колледжы ирвæзынгæнджыты командæ кусы альпинизмы къабазы цæттæдзинады механизмыл. Фæсивæдмæ разæй æнхъæлмæ кæсы «Æрыгон профессионалты» ерысты æппæтуæрæсеон къæпхæн. Регионы фыццæгтæ кæй систы, уый тыххæй базыдтой æрæджы, фæлæ сын фæлладуадзынмæ рæстæг нæй.
Бынæттон ирвæзынгæджыты хсæн фыццæгтæ уæвын сын сси традици. Уæлахиздзаутæ фæивæд систы фарон æмæ æндæраз. Уæдæ ацы аз дæр стыхуыздæртыл нымад.
Сæрмагонд уæлæдарæс скæнын,судзгæ чи кæны, ахæм артаг ахуыссын кæнын, стæй цæлхдурты сæрты ахизын. Ацы куыстытæ сæххæст кæнын хъæуы цыбыр рæстæгмæ, уыимæ ма фæрæдыйгæйæ. Командæйы ис 5 адæймаджы. Бестауты Ликæ у капитан. Йæхæдæг куыд зæгъы, афтæмæй йын зын нæу. Ахуыры рæстæг кæрæдзиуыл сахуыр сты. Командæ у æмдых æмæ æмзонд.
Тренировкæты сæ хæс сæххæст кодтой 2 минуты æмæ 40 секундмæ. Разамонджытæ сты разы. Уæвгæ сын ерысты уыцы рæстæг сфаг ис рамбулынæн. Уæрæсеаг къæпхæнмæ сæ цæттæдзинад хъуамæ фæфидардæр кæной. Командæмæ хуымæтæг адæймаджы нæ райсдзысты. Алчидæр дзы адæмæн æххуыс кæны зæрдиагæй. Хъарданты Тамерлан йæ дæсныйад равзæрста зæрдæйы фæндонмæ гæсгæ. Фаронæй фæстæмæ та æууæнды, ирвæзынгæнæг суæвын ын Хуыцауæй лæвæрд кæй у, уый. Æрыгон адæймаг зынгсирвæзты рæстæг фервæзын кодта сылгоймаджы.
Æппæтуæрæсеон къæпхæны уæлахиздзау суæвын нырма фæсивæды къухы нæ бафтыди. Ацы аз сæ цæттæдзинадыл архайынц дысвæлдæхтæй. Хъæугæ кусæнгæрзтæ балхæндзысты гранты фæрцы.
Цалынмæ сæйраг командæтæ чемпионатмæ цæттæ кæнынц, уæдмæ та уал тренировкæтæм сæ цæстд дарынц æрыгон фæлтæр. Иннæ аз райдайдзысты колледжы кад хъахъхъæнын. Мæргъиты Астемырæн машинæйæн диагностикæ скæнын ног хъуыддаг нæу. Нырма фыццæгæм курсон у, фæлæ йын ныридæгæн бантыст «Æрыгон профессионалты» регионалон къæпхæны рамбулын. Йæхиуыл куыста йæ мастеры разамындæй. Ерысты сæйрагдæр уыди æппæт æргом хæслæвæрдтæм аздахын. Эксперттæ дзы кæй уыди, уый тыххæй кодтой ноджыдæр разæнгарддæр.
Ацы фæсивæд ныридæгæн дæр сты профессионалтæ, кæд нырма сæ дæсныйады сусæгдзинæдтыл ахуыр кæнынц, уæддæр. Разæнгард сæ кæны адæмæн æххуыс кæнын.
