Архайынц дзы 40 скъоладзауы Цæгат Ирыстоны алы районтæй
Джызæлы скъола-интернат суазæг кодта ахуыргæнæн-тренировкæгæнæн æмбырдтæ историйæ 6-æм — 7-æм кълæсты ахуырдзаутæн. Архайынц дзы 40 скъоладзауы Цæгат Ирыстоны алы районтæй. Æртæ боны дæргъы лæппутæ æмæ чызджытæ иртасынц Ирыстоны истори æмæ Уæрæсе паддзахады хуызы фидар кодта æмæ куыд рæзыд, уый. Программæ арæзт у канд ног зонындзинæдтæ райсынæн нæ, фæлæ ма историйæ олимпиадæйы муниципалон къæпхæнмæ цæттæгæнæн мадзал дæр. Ахуыртæ аразынц республикæйы раззагдæр специалисттæ. Скъоладзаутæ æмбырдты вæййынц суткæгай. Уымæ гæсгæ ахуырадон программæ баххæст кодтой культурон æмæ ирхæфсæн мадзæлттæй. Фæсивæдæн бацæттæ кодтой экскурситæ музейтæм æмæ хæстон намысы бынæттæм. Уым зонгæ кæнынц нæ райгуырæн бæстæйы историимæ. Ахуыргæнæн-тренировкæгæнæн æмбырдтыл бакуыста курдиатджын сывæллæтты æмæ фæсивæды рæзты центр «Вершина».
