Архайдтой дзы территориалон æвзарæн къамисты сæрдартæ, секретарьтæ æмæ системон администратортæ
Республикæйы Центрон æвзарæн къамисы ахуырадон центры арæзт æрцыд семинар. Архайдтой дзы территориалон æвзарæн къамисты сæрдартæ, секретарьтæ æмæ системон администратортæ. Тематикон лекци сын бакасти Центрон æвзарæн къамисы сæрдары хæдивæг Хъуыдакаты Сослæнбег. Хъæлæс кæныны хатдзæгты тыххæй семинары архайджытæн радзырдта Дыгуры районы территориалон æвзарæн къамисы сæрдар Цæлыккаты Анжелæ. Уæвгæ та лектортæ сæ раныхасы бæстон æрдзырдтой сæ ахджиагдæр нысантыл. Сæйрагдæр сын у адæмы æнæниздзинад. Уый тыххæй та æвзæрстыты рæстæг æнæмæнг хъæуы эпидемиологон домæнтæ æххæст кæнын. Зæгъдзыстæм ма уый дæр, æмæ ахæм семинартæ арæзт цæуынц рæстæгæй-рæстæгмæ. Фæлæ сæм алы хатт дæр бафтауынц исты ногдзинæдтæ. Ивынц куыд лектортæ, афтæ темæтæ дæр. Ацы аз теоретикон хаймæ бафтыдтой цымыдисаг хъазт. Архъуыдыгонд æвзарæн участочы дæнцæгыл бæлвырд равдыстой, хъæлæс кæныны бон цавæр куысты фæтк уыдзæн, уый.