Съезды архайдтой хицауады уæнгтæ, æхсæнадон организациты минæвæрттæ, районты делегацитæ
Цæгат Ирыстоны муфтийæ республикæйы пысылмæтты съезды ногæй равзæрстой Гуæцæлты Хадзымураты. Съезды архайдтой хицауады уæнгтæ, æхсæнадон организациты минæвæрттæ, районты делегацитæ. Æдæппæтæй нæ республикæйы ис 24 пысылмон æхсæнады. Фæстаг 5 азмæ бантыст ахсджиаг хъуыддæгтæ бакæнын. Се хсæн – Хæзныдоны мæзджыты арæзтад, пысылмон дины дзыллон мадзæлтты архайд Мæскуыйы æмæ æндæр уæрæсейаг горæтты. Зæгъын ма хъæуы уый, æмæ Цæгат Ирыстоны ныртæккæ кусы 8 куыстуаты, халяль продукци кæй хонынц, ахæм чи уадзы. Уæдæ конд цæуы стыр хæрзаудæн æмæ рухстауæн куыст. Тох кæнынц экстремизмы ныхмæ. Муфтий Гуæцæлты Хадзымурат ма се ппæты зæрдыл æрлæууын кодта, кæй архайынц Цæгат кавказы бирæнацион æмæ бирæконфессион адæмы иудзинадыл кусыныл, æмæ сæ кæрæдзимæ æнгом кæныныл
