филиал вгтрк государственная телерадиовещательная компания “Алания”

Уалдзæгыл сæмбæлын фыдæлты æгъдæуттæм гæсгæ. Фольклорон-этнографион бæрæгбон «Тутыртæ» сбæрæг кодтой Дзæуджыхъæуы. Республикæйы национ музейы кæрты æвæрд æрцыдысты цатыртæ аивады мигæнæнтæ æмæ хæринæгтимæ. Бæрæгбоны уазджыты барæвдыдтой æцæг ирон чъиритæй æмæ бæгæныйæ. Аразгæ сценæйы та сæ аивад равдыстой Цæгат Ирыстоны сгуыхт артисттæ, сфæлдыстадон къодтæ  алы районтæй. Кæй фæндыд, уыдоны бон уыд бацархайын дысныйадæвдисæг ахуырты. Ирон чъиритæ кæнынæй, бæгæны фыцынæй, куырдадзы куыст кæнынæй. Бæрæгбон арзæт æрцыд фæсивæды æфсæддон патриотон хъомылады Центр æмæ горæты культурæйы Управленийы хъæппæрисæй.