Уый у æппæтæй стырдæр профилон къордтæй иу, æмæ йæм бацыдысты хæххон-геологон, архитектурон-арæзтадон, электромеханикон æмæ металлургон факультетты студенттæ
Норильскы промышленнон зонæмæ абалц кодтой 230 адæймаджы Цæгат Кавказы хæххон металлургон институты арæзтадон отрядтæй. Уый у æппæтæй стырдæр профилон къордтæй иу, æмæ йæм бацыдысты хæххон-геологон, архитектурон-арæзтадон, электромеханикон æмæ металлургон факультетты студенттæ. Норильскы арвитдзысты цалдæр мæйы, æмæ Ирыстонмæ æрыздæхдзысты ног семестры райдианмæ. Уымæй дарддæр ма арæзтадон отрядæй 50 адæймаджы ацы сæрд арвитдзысты Челябинскы облæсты «ЮжУралЗолото»-йы куыстуæтты. Уым цæгатирыстойнаг студенттæн лагерь арæзт æрцыд фыццаг хатт. Фæсивæд уал раздæр ацæуынц бæстон æркаст. Æнæмæнг домæн та у – цæмæй сесси радтой рагагъоммæ, стæй хорз бæрæггæнæнтыл. Хæххон металлургон институты студентон отряд ацы аз уыдзæн æппæтæй стырдæр, Уæрæсейы иннæ стройотрядтимæ абаргæйæ.
