рограммæмæ гæсгæ, 5 боны дæргъы фæсивæд фæцæуынц тактикон, гæрзифтонг æмæ медицинон цæттæдзинад, фæгæпп кæнынц парашюттимæ, фæныхас кæнынц ветерантимæ
Æфсæддонты æрмадз. Республикæйы ДОСААФы бындурыл дарддæр цæттæ кæнынц фидæны десантникты. Программæмæ гæсгæ, 5 боны дæргъы фæсивæд фæцæуынц тактикон, гæрзифтонг æмæ медицинон цæттæдзинад, фæгæпп кæнынц парашюттимæ, фæныхас кæнынц ветерантимæ. Ахуырты ахæм хуызы фæрцы фæсивæдæн бафты се спортивон цæттæдзинадыл æмæ бахъуаджы сахат равдисынц хорз бæрæггæнæнтæ. Касаты Наирæ радзурдзæн бæлвырддæр.
Фидæны æфсæддонтæн парашютимæ рагæпп кæнын ног хъуыддаг нæу. Фæлтæрддзинад сæм ис. Æрыгон æфсæддоны курс цæуынц республикæйы ДОСААФы бындурыл.
Июлы фидæны десантниктæ равдисдзысты сæ цæттæдзинад. Се хсæн ерысты архайдзысты проект «Победители»-йы уæнгтæ дæр, уыдонимæ скъоладзаутæ дæр.
Иннæ къæпхæн уыдзæни ноджы цымыдисагдæр. Ахуырты сценаримæ гæсгæ, диверсион къорд баурæдтой æмæ бацахстой КАМАЗ. Террористтæ сты гæрзифтонг æмæ тæссаг. Фæлæ æфсæддонтæн бантыст фыдгæнджыты сæдас кæнын.
Райдиан æфсæддон цæттæдзинады курс ацæуын кæй фæнды, ахæм адæмы нымæц кæны фылдæр. Фæсивæд разæнгардæй архайынц сæ цæттæдзинадыл. Ацы нысанимæ Цæгат Ирыстонмæ ссæуынц æндæр регионты скъоладзаутæ дæр. ДОСААФ цæттæ у афæдзмæ 2500 адæймаджы исынмæ. Ахæм хуызы алыг кæндзысты бирæ фарстатæ.
