Æдæппæтæй сты 500 экземпляры æмæ дзы 400 лæвæрд æрцыд Ираны æххæстбарджын минæварадмæ
Мæскуыйы презентаци уыди персайнаг æвзагыл Нарты кадджыты чиныгæн. Æдæппæтæй сты 500 экземпляры æмæ дзы 400 лæвæрд æрцыд Ираны æххæстбарджын минæварадмæ. Уырдыгæй сæ арвитдзысты профилон ахуыргæнæндæттæм æмæ куыстуæттæм. Презентацийы куыд загътой, афтæмæй чиныг у Иран æмæ Уæрæсейы хсæн æнгомдзинады фæрæз. Презентаци ацыди видеобастдзинады фæрцы. Архайдтой дзы хицаудзинады, науколн æхсæнады минæвæрттæ, Иран æмæ Цæгат Ирыстоны эксперттæ.
Персайнаг æвзагыл нарты кадджыты чиныджы презентаци уыдис ЦИПУ-йы дæр. Йæ сæргонд — «Нарт-Намэ». Тæлмац кæныныл бакуыстой куыд ирыстойнаг, афтæ ирайнаг ахуыргæндтæ. Чингуыты фылдæр хай ныридæгæн арвыстой Ираны минæварадмæ. Мадзалы архайдтой республикæйы нациты хсæн ахастдзинæдты фарстаты фæдыл министры хæстæ æххæстгæнæг Цуциты Аслан, ЦИПУ-йы ректоры хæдивæг Туаты Бертæ, историкон факультеты декан Плиты Зæлинæ. Фембæлд ацыди видео-конференцийы форматы. Онлайн бастдзинад сын уыди ирайнаг минæвæрттимæ дæр. Се ппæт дæр фæнысан кодтой чиныджы ахадындзинад, наукон æхсæнадæн уыдзæни тынг пайда, ирон эпосы дуне бæстондæрæй байгом кæндзысты Ираны наукон иртасджытæн.
