Боны фæткы – национ проекттæ æмæ паддзахадон программæтæ царды куыд æххæстгонд цæуынц, уый
Республикæйы хицауады сæрдары хæстæ æххæстгæнæг Тускъаты Таймураз скодта æрвылкъуырион онлайн-конференци. Боны фæткы – национ проекттæ æмæ паддзахадон программæтæ царды куыд æххæстгонд цæуынц, уый. Æнæниздзинадхъахъхъæнынады министры хæстæ æххæстгæнæг Тебиаты Сослан бахаста коронавирусы инфекци парахат кæнын ма бауадзыны мадзæлтты фæлгæты æнæниздзинад хъахъхъæныны куыстуæттæ уæлæмхасæн кусæнгæрзтæй сифтонг кæныны фæндон. Бæрнон кусæджы хъуыдымæ гæсгæ, буары æмæ венерологон низты диспансер хъæуы туаггуырæй сифтонг кæнын. Медицинон куыстуат цæттæ кæнынц ковид-госпиталы хуызы æмæ у резервон. Конференцийы архайджытæ се ргом аздæхтой, социалон нысаниуæг кæмæн ис, ахæм объектты арæзтадмæ. Уый – скъолатæ, рæвдауæндæттæ, амбулаторитæ, культурæйы хæдзæрттæ, спортивон фæзтæ. Бынæттон хицаудзинады сæйраг хæс у, куыстыты хæрзхъæддзинадмæ цæст дарын. Цалдæр объектмæ дзы сæвзæрд фарстатæ. Сæ алыг кæнынæн Тускъаты Таймураз радта бæлвырд æмгъуыд. Хицауады сæрдар ма æрдзырдта, кæй аразынц, уыцы объекттæм газы æмæ электрон тых бауадзыны хъуыддагмæ. Бæрнон кусджытæ æркастысты, Аланийыл саргъуыды 1100 азы бон бæрæг кæныны фæлгæты культурон нысаниуæг кæмæн ис, уыцы объектты рацарæзтмæ. Мадзæлтты фылдæр хай цæуынц Алагиры районы. Ам фæнд кæнынц 6 архитектурон цыртдзæвæны рацаразын. Куыстытæ дзы райдыдтой.
