Алы бон дæр дохтыртæ æрзилынц сæ участоктыл æмæ аныхас кæнынц бынæттон цæрджытимæ
Республикæйы поликлиникæты специалисттæ пенсион кары адæмимæ кæнынц æмбарынгæнæн куыст, æмæ сын дзурынц, вакцинаци куыд ахсджиаг у, уый тыххæй. Алы бон дæр дохтыртæ æрзилынц сæ участоктыл æмæ аныхас кæнынц бынæттон цæрджытимæ. Бæстон сын радзурынц процедурæйы æппæт фæзилæнты тыххæй дæр. Сæйрагдæр та уый, æмæ вакцинацийы фæстæ се нæниздзинадмæ кæй цæудзæн бæстон цæстдард. Уыимæ вакцинæйы фæрцы фæрынчын уæвынæн уыдзæн зынгæ къаддæр гæнæнтæ, фæлæ уæддæр адæймаг коронавирусæй куы фæрынчын уа, уæд низ ацæудзæн рогдæр хуызы.
Кæд æмæ искæйы консультацийы фæстæ прививкæ скæнын бафæнда, уæд сæрмагондæй уыдонæн специалисттæ семæ аласынц препарат гам-ковид-вакы фыццаг компоненты цалдæр дозæйы. Медицицнон хо бынаты скæны инъекци. Уый фæстæ адæймаджы бахæссы хыгъдмæ, вауцинæйы дыккаг компонент райсыны тыххæй. Æппæт куыстытæм сæ цæст дарынц социалон кусджытæ. Участоктыл кусæг терапевт куыд зæгъы, афтæмæй бирæтæ, уæлдайдæр та хистæр кары адæм тынг æууæндынц мæнг хъусынгæнинæгтыл. Уымæ гæсгæ тынг ахсджиаг у хицæнæй ныхас кæнын алкæимæ дæр.
