филиал вгтрк государственная телерадиовещательная компания “Алания”

Павлодольскæйы станицæйы хъазахъхъæгты истори æмæ цардыуаджы музей цæттæ кæны йæ экспозици фæуæрæхдæр кæнынмæ. Ам равæрдзысты историон фидары хуызæг, къулыл ныв Азов æмæ Мæздæджы хъахъхъæнæн арæны картæимæ, витринæты та фæзындзæнис ног экспонаттæ. Хъазахъхъаг культурæйы музей сарæзтой станицæйы хъазахъхъæгты æхсæнады фæндонæй æмæ бынæттон администрацийы æххуысæй. Станицæйы цæрджытæ музеймæ зилынц сæхи тыхтæй, ифтонг æй кæнынц экспонаттæй. Равдыстмæ се вæрæн хæссынц сгарджытæ дæр. Радтынц сын, экспедициты рæстæг цы рагон дзауматæ ссарынц, уыдон. Музей куы байгом, ууыл афæдз дæр нæма рацыд, фæлæ йæм бирæ цæуджытæ ис иннæ районтæй æмæ хъæутæй. Рох нæу цæрджытæй дæр.