Афтæмæй бæрæг кодтой лæвар эфирон рæстæг æвзарæн кампанийы агитацийæн каналтæ «Россия 1», «Россия-24», «Радио России» æмæ «Вести FM»-ы
Паддзахадон телерадиокомпани «Алани» бацархайдта хæлттæ æппарыны процедурæйы. Афтæмæй бæрæг кодтой лæвар эфирон рæстæг æвзарæн кампанийы агитацийæн каналтæ «Россия 1», «Россия-24», «Радио России» æмæ «Вести FM»-ы. Лæвар эфирон рæстæг агитацийы æмгъуыдмæ уыдзæн 30 сахаты æмæ 3 минуты. Хæлттæ æппарыны процедурæйы архайдтой 14 политикон партийы мæнæвæрттæ æмæ иумандатон зылдтæй 6 кандидаты. Агитацион æмгъуыдмæ алы партийæн дæр телевизион каналты лæвæрд цæуы 30 минуты, кандидатæн та – 69 минуты. Радиохъусынады каналты алы партийæн дæр дæттынц 34 минуты æмæ рдæг, кандидатæн та 81 минут. Уымæй дарддæр паддзахадон телерадиокомпани «Алани»-йы эфирты ацæудзысты иумæйаг агитацион мадзæлттæ, дебаттæ кæй хонынц, уыдон. Агитацийы райдиан – 23-æм августы. Æвзæрстытæ цæудзысты 3 боны 17-æй – 19-æм сентябры онг.
Агитацион æрмæджытæ мыхуыр кæндзысты 21-æм августæй – 17-æм сентябры онг газеттæ «Северная Осетия», «Рæстзинад» æмæ «Слово»-йы, стæй телекомпани «Осетия-Ирыстон»-ы. Политикон партиты минæвæрттæн æмæ, регистраци чи ацыд, уыцы кандидаттæн бар лæвæрд уыд номеримæ конверт сисынæн. Уымæ гæсгæ сбæрæг эфиры рæстæг æмæ мыхуыры фæзтæ. Агитацион æмгъуыдмæ паддзахадон телераиокомпани «Алани»-йы эфиры фæтк аивдзæн. Фæзындзæн уæлæмхасæн агитацион блоктæ.
