Проект саразыныл архайы иумæйаг энергетикон системæйы наукон-техникон центр
Нæ республикæйы энергетикæйы рæзты программæйыл æрныхас кодтой профилон министрады æмбырды. Проект саразыныл архайы иумæйаг энергетикон системæйы наукон-техникон центр. Компанийы специалисттæ Цæгат Ирыстонимæ æмгуыстад кæнынц ныр 4 азы. Республикæйы куыд зæгъынц, афтæмæй ахæм æмархайд у ахадгæ. Электроэнергетикæйы перспективон рæзты схемæ æмæ программæ арæзт сты 5 азæн. Уыимæ йæм алы аз дæр хаст цæуынц ивддзинæдтæ. Ацы куыстмæ здахынц энергифæстауæрцгæнæн компаниты ргом. Вице-премьеры хæстæ æххæстгæнæг Фадзайты Æхсарбег куыд радзырдта, афтæмæй ахæм программæтæ æнæмæнг хъæугæ сты æппæт регионтæн. Уымæн æмæ куыст цæуы иумæйаг энергетикон хызы. Радон бæстон ныхасы архайдта иумæйаг энергетикон системæйы наукон-техникон центры комитеты сæрдар базарадон стратегиты фарстаты фæдыл Денис Ярош. Раздæр уал фембæлд республикæйы сæргълæууæджы хæстæ рæстæгмæ æххæстгæнæг Сергей Меняйлоимæ, æмæ снысан кодтой перспективон рæзты фарстатæ.
Æмбырды ма дзырдтой фæззыгон-зымæгон сезонмæ цæттæдзинадыл. Дзуапдæттæн докладтæ скодтой территориалон организациты специалисттæ. Стыр æргом аздæхтой инфраструктурæйы уавæрмæ, æмæ æндæр ахсджиаг фарстатæм. Хъармгæнæн сезонмæ цæттæдзинадмæ бæстон цæст дары профилон министры хæстæ рæстæгмæ æххæстгæнæг Таматы Майрæн. Фадзайты Æхсарбег се ппæты ргом аздæхта ацы куысты ахсджиагдзинадмæ.
