Уыимæ æххæст кæнынц фæлхасадмæ цæстдарды управленийы æдасдзинады домæнтæ
Цæгат Ирыстоны уæлдæр æмæ астæуккаг ахуыргæнæндæттæн райдыдта ног ахуыры аз. Уыимæ æххæст кæнынц фæлхасадмæ цæстдарды управленийы æдасдзинады домæнтæ. Уыдон та сты хуымæтæг, фæлæ æнæмæнг æххæстгæнгæ: буары тæвд барын студенттæн æмæ ахуыргæнджытæн, антисептиктæй пайда кæнын, маскæтæ дарын. Ацы аз фæсарæйнаг студенттæн дæр фадат уыдзæн боныгон ахуыр ацæуын уæлдæр ахуыргæнæндæтты территорийы. Медицинон колледжы бакуыстой студентты логистикæйыл. Уый фæрцы студенттæ бæстыхаймæ бацæуынц алырдыгæй, цæмæй иу ран бирæгæйттæ ма мбырд кæной, уый тыххæй. Аудиториты ис уæлдæф сыгъдæггæнæнтæ. Уымæй дарддæр ма Цæгат Ирыстоны медицинон колледжы республикæйы студенттæн ис барвæндонæй вакцинæ скæныны фадат.
