Сывæллæттæн радзырдтой скъолайы фыццаг директоры тыххæй
Фыццаг дзæнгæрæг азæлыд Æхсæрысæры 7 фыццæгæмкъласонæн дæр. Сывæллæттæн радзырдтой скъолайы фыццаг директоры тыххæй. Уый ном хæссы скъола. Нырæй фæстæмæ ахуыргæнæндонæн æххуыс кæндзæн Хъыргъуыты мыггаг. Бæрæгбонмæ æрбаластой нырыккон техникæ æмæ спортивон кусæнгæрзтæ. Бæлвырддæр радзурдзæн Сосранты Жаннæ.
Сæ фыццаг дзæнгæрæгыл сæмбæлдысты Æрæфы районы Æхсæрысæры скъолайы авд фыццагкъласоны. Кадджын мадзалы лæппутæ æмæ чызджытæн радзырдтой ахуыргæнæндоны фыццаг директоры тыххæй. Йæ ном хæссы скъола. Зæгъын æмбæлы уый æмæ Хъиргъуыты Сократ йæ цард кæй снывонд кодта сабиты хъомыладæн. Кадджын мадзалмæ хуынд æрцыдысты Сократы хæстæджытæ.
Ныр йæ хæстæджытæ, Хъиргъуыты мыггаджы минвæрттæ, рахастой фæндон – сæ цæст кæй дардзысты скъоламæ. Уазджытæ æрбацыдысты лæвæрттимæ. Ныр Æхсæрысæры скъоладзæутæн фæдат уыдзæн ног ноутбуктæ, сæрмагонд техникæ, спортивон кусæнгæрзты фæрцы сæ зондахаст, зонындзинæдтæ æмæ спортивон цæттæдзинадыл æфтауын. Æппæт ацы хъуыддæгтыл тынг бацин кодтой ахуыргæнæндоны. Хъæуккаг гыццыл скъолайæн фаг гæнæнтæй раппæлын сæ бон нæу.
Фæлæ уазджыты лæвæрттæ , материалон хъуыддæгтæй нæ ахицæн сты, уыдон ма бахастой фæндон, кæцымæ гæсгæ фæхуыздæр гæнæн ис ахуырадон процесс.
Æрæфы районы ахуырады управленийы минæвæртты зæрдæмæ фæндон фæцыд. Зæрдæ бавæрдтой фарсхæстæй. Ахуыргæнджытæ зæрдæ дарынц, фидæны Æхсæрысæры скъола кæй суыдзæн районы ахуыргæнинæгты цæттæгæнæн наукон центр, уыимæ йæ цард æмæ хъомыс фæфылдæр æмæ ахадгæдæр уыдзысты.
