Сæ саразыныл бакуыста цæрæнуæтты-коммуналон хæдзарады министрад
Ног ахуыры азмæ республикæйы районты скъолаты уавæртæ фæхуыздæр сты. Ныр 12 ахуыргæнæндоны ахуырдзаутæн фадат фæзынд нырыккон гæнæнтимæ уазæгдæттæй пайда кæнынæн. Сæ саразыныл бакуыста цæрæнуæтты-коммуналон хæдзарады министрад.Скъоладзаутæ æмæ ахуыргæнджыты цинæн æвдисæн уыд не сфæлдыстадон къорд. Се *нкъарæнтæ нæм фæхæццæ кæндзæн Сосранты Жаннæ.
Черменыхъæуы 3-æм скъолайы зæронд бæстыхай арæзт æрцыд 68 азы. Æнусы рдæджы бæрц кæстæр кълæсты 400 ахуырдзауы хъуыд, бахъуаджы сахат уазæгдонмæ уынгмæ цæуын. Сергей Меняйло йæ цæст куы æрдардта уыцы æркæсинаг фарстамæ, уæд уайтагъд лыггонд æрцыд.
Ахæм уавæры уыд Бруты хъæуы астæуккаг скъолайы уазæгдон дæр. 137 ахуырдзауæн цæугæ уыд ардæм, æндæр гæнæн сын нæ уыд, Ныр уавæр аивта. Бæстыхайы байгом кодтой уазæгдон. Уыимæ ма, цæмæй сывæллæттæн æдзухдæр хъарм дон уа, уый тыххæй та скъолайы сæвæрдтой донцъирæн.
Сунжæйы скъолайы та зонындзинæдтæ исы 300 адæймаджы. Ацы ахуыргæнæндон та арæзт æрцыд 56-æм азы, уæдæй бындурон цалцæггонд нæ уыд. Ахуыргæнæндон цыппар корпусæй кæй у, уымæ гæсгæ сфæнд кодтой уынджы цы уазæгдон ис, уым æмбæлгæ уавæртæ скæнын. Ныр аивгонд æрцыд, ис хъармгæнæнтæ, хъарм дон.
Артаг, энергетикæ æмæ цæрæнуæтты коммуналон хæдзарады министрады куыд фæбæрæг кодтой, афтæмæй хъæуты скъолаты ахуырдзаутæн скодтой æппæт гæнæнтæ. Базылдысты 12 скъолайы уазæгдонмæ.
