Уый разамынд лæвæрдта Цæгат Ирыстонмæ цы экспертты делегаци ссыди, уыдонæн
Хицауады сæрдар Дзанайты Барис республикæйы экспорты рæзты фарстатыл æрныхас кодта Уæрæсейы экспортон центры вице-президент, компани «ЭКСАР»-ы генералон директор Никитой Гусаковимæ. Уый разамынд лæвæрдта Цæгат Ирыстонмæ цы экспертты делегаци ссыди, уыдонæн. Дзанайты Барис куыд фæнысан кодта, афтæмæй республикæйы экспортон къабазы райрæзт у ахадгæ æмæ хъæугæ. Уазджытæ фембæлдысты бизнес-æхсæнады æмæ республикæйы æххæстгæнæг хицаудзинады оргæнтимæ. Æмбырды архайджытæ фæбæрæг кодтой, республикæйы æддагон экономикон архайды уæнгтæ 9 мæймæ скодтой 88 милуан долларæн экспортон операцитæ. Фылдæр дзы архайынц хойраджы æмæ артаджы товартæ, хомаг, згъæр, стæй химикон промышленносты продукци. Уæрæсейаг экспортон центры минæвæрттæ загътой, амалхъом адæмæн баххуыс кæнынмæ цæттæ кæй сты, уый.
