Уæвгæ аргъуан аразын райдыдтой 2014-æм азы
Дзæуджыхъæуккаг æмæ Алайнаг епархийы алчыр Герсаим бабæрæг кодта Елхоты аргъуаны арæзтад. Хæсдзæн апостолтæ Петр æмæ Павелы ном. Уæвгæ аргъуан аразын райдыдтой 2014-æм азы. Ныртæккæ кæронмæ фæхæццæ кæны йе ддаг бакастыл куыст. Къултæ аив кæнынц сæрмагонд дурæй. Бæстыхайы сæр та уыдзæн æрхуыйæ конд. Епархийы разамонæг базонгæ уæллаг аргъуаны мидæггаг куыстытимæ, стæй æркасти дæллаг аргъуаны уавæрмæ дæр. Ам аргъуыдтытæ цæуынц рæстæгæй-рæстæгмæ. Къултæ аивгонд сты алыхуызон дзуарынывтæй. Се хсæн ис Толгскаг Мадымайрæмы сурæт. Рагон таурæгъмæ гæсгæ, 13-æм æнусы ацы дзуарыныв раластой алайнаг горæт Дедяковæй. Герасим разыйæ баззад аргъуаны архитектурæйæ. Уымæн æмæ арæзт у византийаг æмæ рагон чырыстон алайнаг хуызмæ гæсгæ.
