филиал вгтрк государственная телерадиовещательная компания “Алания”

Цæгат Ирыстоны фæнд кæнынц ботаникон Цæхæрадон саразын. Уыцы æмæ æндæр проекттæ равдыстой Сергей Меняйлойæн. Æххæст сæ кæндзысты алы къабæзты. Ботаникон цæхæрадоны проект æрхъуыды кодта Кæсойты Алæнæ. Уым зайдзысты алыхуызон культурæтæ Япони, Цæгат Америкæйæ, æмæ æндæр бæстæтæй. Хицæн бынат та скæндзысты Кавказы чи зайы, уыцы культурæтæн. Ботаникон цæхæрадоны проектмæ æркæсдзысты республикæйы разамонæджы раз инвестицион советы. Куы йæ сфидар кæной, уæд йæ сæххæст кæнынæн горæты разамынд радих кæндзæн 8 гектары зæхх Балтайы хъæумæ ввахс. Уымæй уæлдай æркастысты туристон проект æмæ республикæйы фæндæгты интерактивон картæмæ. Сарæзтой йæ Сергей Меняйлойы фæндонмæ гæсгæ.