Сæйрагдæр та æххæст кæнынц культурон бынтæ хъахъхъæныны тыххæй закъон
Æппæтадæмон культурон-патриотон центры арæзтад Беслæны 1-æм скъолайы бындурыл цæуы æппæт домæнтæ æххæст кæнгæйæ. Сæйрагдæр та æххæст кæнынц культурон бынтæ хъахъхъæныны тыххæй закъон. Куыстытæ цæуынц æмгъуыдæй раздæр. Проектмæ гæсгæ объект рацараздзысты, æмæ ма сног кæндзысты раздæры бæстыхай. Арæзтадон куыстытæн дзуапп дæтты компани «СКИФОС-РСК». Скъолайы бæстыхайы ныридæгæн арæзт æрцыд хъармгæнæн контур: сцалцæг кодтой сæр, цартæ, рудзгуытæ. Ныртæккæ монтаж кæнынц электрон тыхдæттæг æмæ вентиляцион системæтæ. Объект æххæстæй не сног кæндзысты. Скъолайы къултæ нысан кæнынц афтæмæй ныууадзын. Уымæй дарддæр кæронмæ фæхæццæ кæнынц каркас æвæрыны куыстытæ, æвæрынц хъармæгæнтæ æмæ трансформаторы дæлстанцæ. Объект раттынмæ хъавынц ацы аз декабры. Куыстытæ кæнынæн æххуыс кæны Уæрæсейы реставраторты Цæдисы президент. Бæстыхайы астæу æрбынат кæндзæн, Беслæны таргедиимæ баст экспозици. Нысан кæнынц нырыккон музейты технологитæй спайда кæнын. Æппæт проектон уынаффæтæ сфидар кодтой «Беслæны мадæлты» комитетимæ æиæ теракты хъыгдардбаййафджытимæ иумæ. Куыстытæм йæ цæст дары республикæйы сæргълæууæг. Уæ зæрдыл уын æрлæууын кæндзыстæм, фарон Сергей Меняйло фембæлд Михаил Мишустинимæ. Фембæлды баныхас кодтой, центрæн æххуысы тыххæй. Уæрæсейы Хицауад ацы нысантæн радих кодта 75 милуан сомы. Куыстыты иумæйаг аргъ та у 200 милуан сомæй фылдæр.
