Сæ арæхстдзинад дзы равдыстой ахуыргæнæндæтты хæринаггæнджытæ
Дзæуджыхъæуы базарадон-экономикон техникумы арæзт æрцыд дыккаг чемпионат «Профессионалы школьного питания-2022». Сæ арæхстдзинад дзы равдыстой ахуыргæнæндæтты хæринаггæнджытæ. Кулинарон ерысы архайдтой 19 адæймаджы, Дзæуджыхъæуы æмæ районты скъолаты кусджытæ. Чемпионаты хæс уыд хуыздæр специалистты сбæрæг кæнын, æмæ сын сæ профессионалон миниуджытæ фæхъæздыгдæр кæнын. Арæзт у 3 къæпхæнæй. Фыццаг къæпхæны архайджыты хæс у тематикон стъол бацæттæ кæнын. Темæ – «Скъоладзауæн пайдайаг хæринаг». Фынгыл хъуамæ 4 хæринагæй къаддæр ма уа. Дыккаг ерысы – хæринаггæнджыты 20 минутмæ хъуыди, санитарон-эпидимиологон домæнтæ куыд зонынц, уый равдисын. Æмæ кæронбæттæн 3-аг: Бæлвырд рæстæгмæ ерысы домæнты хæринæгтæ скæнын. Хæслæвæрд сæххæст кæнынмæ архайджытæн радтой хъæугæ фæрæзтæ – бынат, мигæнæнтæ æмæ хойраг.
