Мадзал ацыди Пятигорск
Цæгат Ирыстоны делегаци, йæ сæргъы хицауады сæрдар Дзанайты Барис, афтæмæй архайдта экономикæйы уавæр санкциты рæстæг фæфидардæр кæныны форум «Северный Кавказ 2022»-йы. Мадзал ацыди Пятигорскы. Форумы архайдтой Уæрæсейы президенты æххæстбарджын минæвар Цæгат Кавказы федералон зылды Юрий Чайка, Уæрæсейы экономикон рæзты министр Максим Решетников, æххæстгæнæн хицаудзинады оргæнтæ æмæ раззагдæр банкты æмæ финансон институтты минæвæрттæ. Форумы фæлгæты арæзт æрцыдысты бизнес-æхсæнадимæ фембæлдтытæ. Ныхас цыди промышленносты, арæзтады æмæ транспорты стæй хъæууон хæдзарады къабæзтæн санкциты уавæры баххуыс кæныны мадзæлттыл. Дзанайты Барис ма архайдта регионы экономикон уавæр фидардæр кæныны æмбырды Цæгат Кавказы федералон зылды субъектты минæвæрттимæ.
