Уый агъоммæ Дзæуджыхъæуы арæзт æрцыд кæронбæттæн хъазт «Космоквиз»
Абон у космонавтикæйы Æппæтуæрæсеон бон. Уый агъоммæ Дзæуджыхъæуы арæзт æрцыд кæронбæттæн хъазт «Космоквиз». Йæ саразыныл бакуыстой нæ республикæйы космонавтикæйы скъола æмæ парти «Иугонд Уæрæсе»-йы регионалон хайад. Интеллектуалон ерыс цыди 10 боны, æмæ йæ сарзæтой дыууæ къæпхæнæй. Æвзарæн туры бацархайдтой 39 командæйы республикæйы æппæт районтæй. Сæ фылдæр уыдысты 7 кълæсты ахуырдзаутæ. Финалмæ рацыдысты 13 командæйы. Алкæцыйы дæр фæйнæ 5 адæймаджы. Лæппутæн æмæ чызджытæн равдыстой документалон кинонывтæ, космонавтикæйы скъолайы бындурæвæрæг Къомайты Русланы тыххæй. Зонадон ерысы цы 3 командæйы фæуæлахиз уой, уыдонæн абон – космонавтикæйы Æппæтуæрæсеон бон ратдзысты дипломтæ æмæ зынаргъ призтæ.
