Æдæппæтæй сты 129 æрыгон специалисты
Арæзтадон отрядты æртыккаг къорд абалц кодта практикæмæ Норильскмæ. Æдæппæтæй сты 129 æрыгон специалисты. Сты Цæгат Кавказы хæххон металлургон институты, аграрон университеты, электроникæйы колледжы стæй арæзтадон æмæ æфсæнвæндаджы техникумты студенттæ. Уыдон фæллой кæндзысты «Норникель ремонт»-ы раззагдæр куыстуæтты. Куыстадон практикæ фидæны специалисттæн фадат дæтты арæзтадон къабазы сусæгдзинæдтæ базонынæн. Бетонаразджытæ, слесыртæ, хъæддæснытæ æмæ æндæр специалисттæ Цæгат Ирыстонæй сæхи равдыстой иттæг хорз. Фæлæ уал цалынмæ сæ куысты уæлхъус æрлæууой, уый размæ хъуамæ ацæуой сæрмагонд ахуырад æмæ базонгæ уой æдасдзинады техникæйы бындуртимæ. Æппæт хæрдзтæ йæхимæ райста Норильскы куыстуаты разамынд. Фæсивæд цæрдзысты æмдзæрæны. Æдæппæтæй арæзтадон отрядты ацы аз бацархайдзæн 504 адæймаджы.
