10 июня 2022, 10:29
Дарддæр цæуы ног телевизион мæсыджы арæзтад
Ныридæгæн æххæстæй монтаж скодтой фыццаг рæнхъ
Дарддæр цæуы ног телевизион мæсыджы арæзтад. Ныридæгæн æххæстæй монтаж скодтой фыццаг рæнхъ. Арæзтады бæрзæнд уыдзæн 220 метры. Конструкци æмбырд кæнынц тагъд. Специалисттæ æххæстæй сбæрæг кодтой кусæнгарзы æппæт хæйттæ, стæй кæм баиу вæййынц, уыцы бынæттæ дæр. Телемæсыг эксплуатацийы раттынмæ хъавынц 2023-æм азы кæронмæ. Сæвæрдзысты дзы телеуынынады æмæ радиохъусынады антеннæтæ, алыхуызон станцæтæ æмæ æндæр кусæнгæрзтæ. Йæ алфамбылай территорийы та сырæздзæн æнæхъæн нымæцон городок. Уым та уыдзысты сигналисæг комплекс æмæ бирæ æндæр хъуыддæгтæ. Зæронд мачтæйы хъысмæт дæр ныридæгæн у бæрæг. Ног телемæсыг æппæт хъомысæй куы скуса, уæд зæронд мачтæ райхалдзысты.
