Архайдтой дзы рæзгæ фæлтæр Дзæуджыхъæуæй æмæ республикæйы районтæй
«Фæллоймæ æмæ хъахъхъæнынадмæ цæттæ». Спорты галуан «Манеж»-ы арæзт æрцыд ГТО-йы фестиваль скъоладзауты *хсæн. Архайдтой дзы рæзгæ фæлтæр Дзæуджыхъæуæй æмæ республикæйы районтæй. Ерыс кодтой, 11-æй 15 азы онг кæуыл цæуы, ахæм лæппутæ æмæ чызджытæ. Æппæтуæрæсеон физкультурон-спортивон комплексы нысан у, сывæллæтты алывæрсыг физикон райрæзт. Программæйы алыхуызон фæлтæрæнтæ: 60 метры, стæй километр æмæ *рдæг æмæ 2 километры дугъ, пурти æхсын, дæргъмæ гæпп кæнын. Фыццаг бынат бацахста Æрыдоны районы командæ, дыккæгтæ систы Кировы районы минæвæрттæ, æртыккæгтæ та – Дзæуджыхъæуы скъоладзаутæ. Уыимæ ма, регионалон къæпхæны сæрмагонд хыгъды 8 уæлахиздзауæй арæзт æрцæудзæн командæ. Цæгат Ирыстоны кад хъахъхъæндзæн æппæтуæрсеон фестивалы сывæллæтты лагерь «Артек»-ы.
