200 сывæллонæй фылдæр ерыс кодтой волейболæй, бæндæн ивазынæй, уæззæуттæ исынæй, пневматикон винтовкæйæ æхсынæй
Пансионат «Урсдон»-ы арæзт æрцыд фестиваль «Фæнды мæ чемпион суæвын». 200 сывæллонæй фылдæр ерыс кодтой волейболæй, бæндæн ивазынæй, уæззæуттæ исынæй, пневматикон винтовкæйæ æхсынæй. Фестиваль кадджын уавæры байгом кæныны архайдта физкультурæйы æмæ спорты министры хæдивæг Санаты Аидæ. Пансионаты йæ фæллад чи уадзы, уыдонæн зарядкæ сарæзта Уæрæсейы спорты сгуыхт мастер, Уæрæсейы 4 хатты чемпионкæ, Европæйы чемпионаты бронзæ призер Хъайтыхъты Аллæ. Фестивалы кæронбæттæны уæлахиздзауты схорзæхджын кодтой. Мадзал сарæзтой физкультурæ æмæ спорты министрад æмæ Дыгуры районы администраци. Ахæм фестивальтæ ма уыдзысты республикæйы иннæ районты дæр. Сæ нысан – æнæниз цардыуаг парахат кæнын.
