Æрныхас кодтой уынгты рухстыты модернизацийы къабазы æмгуыстады фарстатыл
Сегрей Меняйлойæн кусæг фембæлд уыди компани «РЭСТО»-йы хицау Семен Бурукинимæ. Æрныхас кодтой уынгты рухстыты модернизацийы къабазы æмгуыстады фарстатыл. Бæлвырддæр та компани фадат дæтты, хуымæтæг рухсгæнæнты бæсты дистанцион æгъдауæй чи кусдзæн, ахæм рухсгæнæнтæй пайда кæнын. Компанийы минæвары ныхæстæм гæсгæ, «РЭСТО» йæхæдæг сифтонг кæндзæн кусæнгæрзтæй дæр, стæй сæхæдæг кæуыл бакуыстой, уыцы разамынды системæ «Умный свет»-æй дæр. Зæгъын хъæуы уый, æмæ иттæг хорз кусы уæрæсейаг уавæрты. Сергей Меняйло куыд фæнысан кодта, афтæмæй уынгты рухсыты системæ ног кæнгæйæ, нырыккон технологитæй куы спайда кæной, уæд уый хорзырдæм фæзындзæн лæггæдты хæрзхъæддзинадыл. Уымæ гæсгæ, бæстон æмæ бæлвырд хæстæ радта промышленносты æмæ инвестициты министр Мæрзойты Владимирæн. Семен Бурукин йæхи рдыгæй зæрдæ бавæрдта, компани цæттæ кæй у электрон тыхы сервисы модель царды рауадзынæн баххуыс кæнынмæ, уыимæ инвесторы ргом раздахгæйæ.
