филиал вгтрк государственная телерадиовещательная компания “Алания”

Космонавтикæйы скъолайы музейы байгом къамисæг Сабанты Валерийы куыстыты номарæн равдыст. Ног экспозици сбастой астрофотографы райгуырæн бонимæ. Планетарийы æрæмбырд сты йæ хæстæджытæ, хиуæттæ, æмбæлттæ æмæ йæ курдиатæн аргъгæнджытæ. Стъалытæ æмæ хæххон пейзажтæ, æрдзы ирд нывтæ — æдæппæтæй 30 куысты онг дисы бафтыдтой алкæйы дæр. Равдысты ма фенæн уыд, Валерий йæ балцыты рæстæг кæй систа, ахæм кинонывтæ дæр. Уæ зæрдыл уын æрлæууын кæндзыстæм, дыууæ азы размæ къамисæг фæмард, Цъæйы хохмæ хизгæйæ. Сабанты Валерийыл цыди 23 азы.