Дзырдтой, Фыдыбæстæйы Стыр хæсты ветерантæн æмæ инвалидтæн сæ цæрæн уавæртæ фæхуыздæр кæнынæн субсидитæ дæттыныл дæр
Ацы азы 6 мæймæ Цæгат Ирыстоны æфтиæгты бæрц у 21 милуаны æмæ 712 мин сомы. Хæрдзтæ та – 22 милуанæй фылдæр. Республикæйы бюджетыл ныхас цыд Хицауады æмбырды. Дзырдтой, Фыдыбæстæйы Стыр хæсты ветерантæн æмæ инвалидтæн сæ цæрæн уавæртæ фæхуыздæр кæнынæн субсидитæ дæттыныл дæр. Йе *нæниздзинад хъыгдард кæмæн у, ахæм 14 адæймаджы райсдзысты фæйнæ 900 мин сомы бæрц цæрæнуат балхæнынæн. Уыйбæрц фæрæзтæ радих кæндзысты 2 ветеранæн дæр. Ноджыдæр ма Фыдыбæстæйы Стыр хæсты 2 ветераны бинонтæн уыдзæн, сæ цæрæн уавæртæ фæхуыздæр кæныны фадат.
Æмбырды ма фехъусын кодтой, хъæууон хæдзарады министры бынатмæ нысангонд кæй æрцыд Къусраты Алан. Уымæй дарддæр ма паддзахадон программæ «Содействие занятости населения Северной Осетии»-мæ гæсгæ Алагиры æмæ Рахизфарсы районтæм стажировкæ кæнынмæ æрвыст æрцæудзысты профессионалон ахуырадон организациты 11 рауагъдоны.
