Йæ фæлгæты аныхас кодта ЦИПУ-йы студенттимæ
Республикæйы Сæргълæууæг Сергей Меняйло фембæлд студенттимæ. ЦИПУ-йы ацыд æппæтуæрæсеон рухстауæн акци «Базонгæ кæн дæ зонындзинæдтимæ». Паддзахадон æмæ æхсæнадон кусджытæ, зындгонд ахуыргæндтæ, аивады æмæ культурæйы къабазы кусджытæ фæсивæдæн бакастысты лекцитæ. Куыд ис æнтыстджын суæвын, цавæр дæсныйæдтæ сты ныртæккæ æппæтæй ахадгæдæр, стæй цы мадзæлттыл бакусын хъæуы, цæмæй фæсивæд фæсарæнтæм куыстагур ма цæуой, уый тыххæй. Ацы æмæ æндæр ахсджиаг фарстатæн дзуæппытæ радтой алы къабæзты эксперттæ. Сæ фæлтæрддзинадимæ студентты базонгæ кодтой ахуырад æмæ наукæйы министр Алыбегты Эллæ æмæ ЦИПУ-йы ректор Огъуаты Алан дæр. Чызджытæ æмæ лæппутимæ æргом ныхас уыди Сергей Меняйлойæн. Йæ зæрдæ сын загъта стыр æнтыстдзинæдтæ сæ равзæрст дæсныйæдты. Акци арæзт æрцыди уæрæсеаг æхсæнад «Знание»-йы хъæппæрисæй, Уæрæсейы рухстауынады министрады æххуысæй.
