Йæ фæлгæты уыдзæни промышленнон куыстуæттæ æмæ нырыккон рауагъдадтæ
Дзæуджыхъæуы арæзт æрцæудзæн индустриалон парк. Йæ фæлгæты уыдзæни промышленнон куыстуæттæ æмæ нырыккон рауагъдадтæ. Комплексы консепци нысан кæны резидентон куыстуæтты инфраструктурæйы арæзтад. Куыд фæнд кæнынц, афтæмæй иумæйаг территорийы уыдзæни цалдæр хуызы куыстуæттæ. Уымæй уæлдай, дзы нысан кæнынц, æфсæдвæндаджы бацæуæнтæ æмæ сæрмагонд модультимæ транспортон-логистикон центр скæнын. Уыдзæн ын йæхи коммуналон инфраструктурæ æмæ иумæйаг лабораторон комплекс. Бизнесæн уый у ахадгæ æххуыс йæ рауагъдады бæрц æмæ хæрзхъæддзинадæн.
Промышленнон фæз саразынæн республикæ цæттæ у, алывæрсыг, уыимæ, барадон æххуыс бакæнынмæ дæр. Проект æххæст кæнгæйæ, инвестор сæххæст кæндзæн индустриалон парк аразынæн æппæт домæнтæ. Зæгъын хъæуы уый, æмæ фидæны паркæн бындурæвæрд æрцæудзæн Дзæуджыхъæуы, Промышленнон районы дурыкуыстгæнæн заводы территорийы. Кæд раздæр, хъæугæ гæххæттытæ бацæттæ кæныныл, зæхх райсыныл æмæ коммуникацитыл бакусыныл цалдæр азы харзгонд цыди, уæд ныртæккæ та уыцы хъуыддæгтæ саразæн ис цалдæр мæймæ.
