29 сентября 2022, 11:02
Фæсивæдон командæ «Пищевик» сси æппæтуæрæсеон турнир «Сæрак пурти»-йы уæлахиздзау
Ирыстойнаг командæ æнæхъæн турнир йæ дæлкъорды уыди хуыздæрыл нымад
Арæзт æрцыд æппæтуæрæсеон Кубокы турнир футболæй «Сæрак пурти». Фæсивæдон командæ «Пищевик» финалы фæуæлахиз Хъазаны футболисттыл. Ирыстойнаг командæ æнæхъæн турнир йæ дæлкъорды уыди хуыздæрыл нымад. Фæстаг къуыри лæппутæ хъазыдысты æрвылбон дæр. Сæ ныхмæлæууæг командæ дæр лæмæгъ нæ уыди, фæлæ йыл не мзæххонтæ фæуæлахиз сты.
Вокзалы уæлазиздзатæм æнхъæлмæ кастысты сæ педагогтæ, сæ хæлæрттæ æмæ хиуæттæ. Лæппутæн ныр къуыри уыдзæн фæлладуадзæн рæстæг, æфтаудзысты сæ тыхтыл. Хуыцаубоны та командæ дарддæр йæ арæхстдзинад æвдисдзæн Уæрæсейы турниры. Хуыцаубоны Беслæны уыдзæн Кубань-ы командæимæ хъазт.
темæмæ гæсгæ