Цæрæнуæтты-коммуналон хæдзарады, артаджы æмæ энергетикæйы министр Таматы Майрæн куыд загъта, афтæмæй 8 профилон организацийы хæс у миллиард æмæ авдсæдæ милуан сомæй фылдæр
Бынæттон хиуынаффæйады æмæ республикæйы паддзахадон хицаудзинады оргæнты хсæн, адæмы хъармæй æххæст кæныны къабазы бартæ дих кæныны тыххæй закъоны проектмæ æркастысты парламенты советы. Уый ахсджиаг у фæлхасгæнджыты хæрзхъæд энергийæ æххæст кæнынæн æмæ системæйы модернизацийæн. Цæрæнуæтты-коммуналон хæдзарады, артаджы æмæ энергетикæйы министр Таматы Майрæн куыд загъта, афтæмæй 8 профилон организацийы хæс у миллиард æмæ авдсæдæ милуан сомæй фылдæр. Парламенты депутаттæ хорзыл банымадтой Орелы облæстæй æмкусджыты закъондæттæг хъæппæрис дæр. Уыдон бахастой фæндон, сæрмагонд æфсæддон операцийы архайджытæн æмæ сæ бинонтæн кредиттæм гæсгæ проценттæ ма æфтауын. Ныхас ма цыд культурон бынтæ бахъахъхъæныныл дæр. Ацы аз республикæ паддзахадон хъахъхъæдмæ райста ноджыдæр 21 объекты.
