Ахæм амынддзинæдтæ Аппаратон æмбырды скодта Сергей Меняйло
Социалон ахадындзинад кæмæн ис, уыцы объектты цалцæг хъуамæ фæуа ацы азы кæронмæ. Ахæм амынддзинæдтæ Аппаратон æмбырды скодта Сергей Меняйло. Республикæйы Сæргълæууæг ма куыд загъта, афтæмæй 2023-æм азы уæлдай æргом аздахын хъæуы æнæниздзинадхъахъхъæнынады объекттæ сног кæнынмæ. Бæлвырддæр та бындурон цалцæггæнинаг у Дзæуджыхъæуы дыккæгæм арæндон. Æмбырды ма бæстон æрныхас кодтой контролон-уадзæн пункт Уæллаг Ларсы уавæрыл. Ивгъуыд къуыримæ арæныл ахызти 19 мин машинæйæ фылдæр. Сæ радмæ æнхъæлмæ кæсынц 832 уæзласæны. Уымæй дарддæр фæлхасадмæ цæстдарды Управленийы специалисттæ куыд радзырдтой, афтæмæй гриппæй æмæ æхснырсæгæй рынчынты нымæц фæ къаддæр, æмæ ныртæккæ у 12%. Карантин дарддæр дæр фидар кæныны тыххæй уынаффæ хæсдзысты ахуыргæнæндæттæ сæхæдæг, рынчынтæ 20% кæд ахизой, уæд. Дзанайты Барис бабар кодта ног азы бæрæгбæтты рæстæг æвæстиаты службæты æмæ æхсæнадон транспорты куыст банывыл кæнын.
