Территориалон куыстуаты разамонæгæн йæ хæрзиуæг кадджын уавæры радта Цæгат Кавказы зылды национ гвардийы æфсæдты командæгæнæг, инæлар-булкъон Сергей Захаров
Бæстæйы президент Владимир Путины указмæ гæсгæ, Уæрæсейы гвардийы цæгатирыстойнаг управленийы хицау Валерий Голотæйæн лæвæрд æрцыди пъæлицæйы инæлар-майоры цин. Территориалон куыстуаты разамонæгæн йæ хæрзиуæг кадджын уавæры радта Цæгат Кавказы зылды национ гвардийы æфсæдты командæгæнæг, инæлар-булкъон Сергей Захаров. Хицауады сæрдар Дзанайты Барис куыд фæнысан кодта, афтæмæй ацы бæрнон бынаты кусгæйæ, Валерий Голота æппæт тыхтæй дæр архайы регионы сабырдзинадыл, закъонад æмæ барадхъахъхъæнынадыл. Фембæлды стыр æргом здæхт æрцыди Цæгат Ирыстоны рæзты æмæ йæ цæрджыты хорздзинадæн æххæстгæнæг хицаудзинады оргæнтимæ цы æмгуыстад кæнынц, уымæ.
