Ведомствæйы разамонæг Плиты Алан куыд загъта, афтæмæй зæрдæхудт конкуренцийы æууæлтимæ хъæстытæ æмæ курдиæттæ сæм нæ уыд
Монополиты ныхмæ федералон службæйы цæгатирыстойнаг управленийы хатдзæгтæ скодтой сæ афæдзы куыстæн. Ведомствæйы разамонæг Плиты Алан куыд загъта, афтæмæй зæрдæхудт конкуренцийы æууæлтимæ хъæстытæ æмæ курдиæттæ сæм нæ уыд. «Рекламæйы тыххæй» закъон хæлд кæй æрцыд, уый фæдыл байгом кодтой 26 хъуыддаджы. Пресс-конференцийы ныхас цыд, æхсæнадон транспорты фæндаггаг кæй фæзынаргъдæр, ууыл дæр. Управленийы разамонæджы ныхæстæм гæсгæ, æхсæнадон транспорты æргътæ бæлвырд кæнын сæ бон нæу. Журналисттимæ фембæлды ма дзырдтой, æфсæддон амуницийы æргътæ æгæр бæрзонд кæй кæнынц, уый тыххæй дæр. Уый фæдыл монополиты ныхмæ службæйы сæйраг аппарат аразы бæлвырдгæнæн мадзæлттæ.
