Депутаттæ сæ хъуыдытæ загътой промышленнон куыстуæтты хъалонты льготæты фæдыл
Республикæйы парламенты хорзыл банымадтой цалдæр социалон хъæппæрисы. Депутаттæ сæ хъуыдытæ загътой промышленнон куыстуæтты хъалонты льготæты фæдыл. Æрныхас кодтой Паддзахадон Думæйы закъондæттæг къорды фæндонтыл дæр. Сæйрагдæр ныхас цыди бирæфатерон хæдзæртты бындурон цалцæгæн арæзтадон æрмæджытæ æмæ кусæнгæрзтæ æлхæныны процедурæмæ ногдзинæдтæ бахæссыныл. Хорзыл банымадтой, коммуналон лæггæдты федералон закъонмæ ивддзинæдтæ бахæссыны хъæппæрис дæр. Уый фæрцы, хъуамæ фæлхасгæнджыты се ппæты дæр баиу кæной дондзæуæн хызтæм, цæмæй чъизидæттæ гом донымбырдгæнæнтæм ма цæуой, фæлæ сыгъдæггæнæн кусæнгæрзты уылты. Депутаттæ æркастытсы культурон хæзнатыл цы объекттæ нымад сты, уыдон бахъахъхъæныны æмвæзад фæуæлдæр кæныны закъоны проектмæ дæр. Куы йæ сфидар кæной, уæд регионалон хицаудзинады оргæнтæн сæ бон уыдзæни ног объектты цыбыр рæстæгмæ культурон хæзнаты реестрмæ бахæссын. Комитеты специалисттæн семæ кусыны фадат уыдзæни æнæ историон-культурон экспертизæ скæнгæйæ. Афтæмæй амынд объекттæ паддзахад хъахъхъæндзæн æххæстæй. Парламенты уæнгтæ ма рахæцыдысты, хæстон цауты архайджытæн цыфæндыйæ дæр сæ куысты бынæттæ бахъахъхъæныны закъоны проекты фарс дæр.
