Дзырдтой ма, промышленнон политикæйы тыххæй республикон закъонмæ ивддзинæдтæ бахæссыныл дæр
Сæрмагонд æфсæддон операцийы рæстæг чи фæмард кæнæ фæцæф, уыцы хæстонты, кусджыты æмæ бархионты бинонты уæнгтæн иурæстæгон æххуыс кæнынæн, бюджетон ассигнованиты бæрц фæфылдæр 30 милуан сомæн. Фæллойы æмæ социалон рæзты министрады ахæм фæндон хорзыл банымадтой Хицауады æмбырды. Уыимæ ма, мобилизацигонд адæмы бинонтæн баххуыс кæнынæн, ивд æрцæудзысты 3-йæ 7 азы онг сывæллæттæн æрвылмæйон фиддонтæ нысан кæнын æгъдæуттæ. Мобилизацигонд æфсæддоны бинонты рæстæмбис æфтиæгтæ нымайгæйæ, йе фтиæгтæ æмæ иурæстæгон æххуыс нымад нæ цæудзысты. Хицауады уæнгтæ ма сразы сты бинонты политикæйы закъонмæ ивддзинæдтимæ дæр. Ныр цæрæнуат балхæнынæн субсиди райсын уыдзæн æрмæст 3 æмæ фылдæр сывæллоны уыцы иу рæстæг кæм райгуырд, ахæм бинонтæн нæ, фæлæ ма уыцы иу рæстæг 3 æмæ фылдæр сывæллоны схъомыл кæнынмæ чи райста, уыдонæн дæр. Дзырдтой ма, промышленнон политикæйы тыххæй республикон закъонмæ ивддзинæдтæ бахæссыныл дæр.
