Ныхас цыди Цæгат Ирыстоны социалон æмæ инвестицион проекттæ æххæст кæныныл
Республикæйы Сæргълæууæг Сергей Меняйлойæн Мæскуыйы кусæг фемæблд уыди УФ-йы Хицауады сæрдары хæдивæг Александр Новакимæ. Ныхас цыди Цæгат Ирыстоны социалон æмæ инвестицион проекттæ æххæст кæныныл. Стыр æргом здæхт æрцыди, алы сезонты дæр чи кусдзæн, ахæм туристон-рекреацион комплекс «Мамысон»-ы арæзтадыл. Ныртæккæ куыст цæуы инженерон æмæ фæндаггон инфраструктурæйыл. Ацы аз дзы фæнд кæнынц фысымуæттæ, æхсæнадон хæрæндæттæ, машинæтæн æрлæууæнтæ æмæ æндæр хъæугæ объекттæ саразын. Зæгъын хъæуы уый, æмæ «Мамысон» у республикæйы экономикон æгъдауæй размæдзыддæр проекттæй иу. Афæдзмæ 7 сæдæ мин адæймаджы суазæг кæнын йæ бон кæмæн суыдзæн, уыцы рекреацион комплексы арæзтад цæуы 4 къæпхæнæй.
