Нæ иугонд командæйы хæрзиуджыты къæбиц фæхъæздыгдæр 3 сызгъæрин, 2 æвзист æмæ 8 бронзæ майданæй
Иван Ярыгины æппæтадæмон ерыстæй Ирыстойнаг спортсментæ сластой 13 хæрзиуæджы. Нæ иугонд командæйы хæрзиуджыты къæбиц фæхъæздыгдæр 3 сызгъæрин, 2 æвзист æмæ 8 бронзæ майданæй. Сæхи уæзты уæлахиздзаутæ систы Сидахъаты Зауырбег, Багаты Арслан æмæ Багаты Алан. Æвзист майданты аккаг систы Чертхъоты Руслан, æмæ Уалыты Владислав. Бронзæ майдантæ рамбылдтой Тускъаты Азæмæт, Тауытты Чермен, Уалыты Чермен, Байаты Давид, Уалыты Радик, Джиоты Арсен, Георгий æмæ Эрик. Турнир цыди 26-æмæй 29-æм январмæ Красноярскы. Архайдтой дзы 300 спортсмены, уыдон уыдысты Уæрæсейæ, Белоруссийæ, Молдавийæ, Киргизийæ æмæ Узбекистанæй, стæй Грекъæй, Туркæй, Мароккойæ, Иранæй, Египетæй æмæ Монголийæ.
