Ныртæккæ объекты кусынц сæдæ цыппор адæймаджы
Стадион «Спартачы» райдыдта рацарæзты дыккаг къæпхæн. Ныртæккæ объекты кусынц сæдæ цыппор адæймаджы. Уый тыххæй йæ телеграм-каналы фехъусын кодта Сергей Меняйло. Республикæйы разамонæг куыд загъта, афтæмæй уал скæсæйнаг трибунæйы монолитæй арæзтадæн йæ æвдай проценты æххæстгонд æрцыдысты. Ныгуылæн трибунæйы дыккаг æмæ æртыккаг хайы уыцы куыстытæ нырма сты сæ тæмæны. Монолитæй конструкцитæ æвæрынц дыууæ цæстдарæн-уадзæн пункты дæр. Цæгат Ирыстонæн стадион нымад у ахсджиаг проектыл. Цалдæр хатты куыстытæ фæкъуылымпы сты. Иу хатт фæрæзтæ нæ фаг кодтой, иннæ хатт та стадионы категори ивд æрцыд. Ныртæккæ æппæт цæлхдуртæ иуварсгонд æрцыдысты æмæ цæуæм размæ — ныффыста Цæгат Ирыстоны Сæргълæууæг Сергей Меняйло.
