Сæ балцы æнцондзинадæн мадзæлттыл та куыст цæуы æппынæдзухдæр
Цæгат Ирыстон хæстæгдæр кæны туристты зæрдæтæм. Сæ балцы æнцондзинадæн мадзæлттыл та куыст цæуы æппынæдзухдæр. Фылдæр кæнынц туристон маршруттæ дæр, хуыздæр кæны инфраструктурæ, арæзт цæуынц сæрмагонд мобилон бавæрæнтæ. Уыцы къабазы ногдзинæдтыл бæстонæй афæлгæст Сосранты Жаннæ, æмæ йын бакæсæм йæ сюжетмæ.
Ацы онлайн хуызы балцыл Салæгаты Руслан, йе мкусджытимæ фæкуыста цыппар мæйы. Дизайн, техникон æххæстдзинад, туристон бавæрæны æмбæлы саразын балц хъуыстгонд бынæттæм æмæ æнæзонгæ культурон цыртцæвæнтæм. Уыимæ ма дзы цæмæй æнцондæр архайæн уа, уый тыххæй йæм бахастой аудиогид, цыбыр æрфыст, фысымуæтты æмæ хæрæндæтты номхыгъдимæ информаци.
Ныридæгæн, туризмы райрæзтæн республикæйы бирæ хъуыддæгтæ конд æрцыд. Азæй азмæ хуыздæр кæнынц технологитæ, уыимæ арæзынц нымæцон æххæуысгæнæнтæ. Дзæуджыхъæу йæхимæ лвасы æппæт Уæрæсейы бæлццæтты. Ирыстоны хъуамæ фидаргонд æрцæуа ног туристон логотип. Конкурсы уæлахиздзау сси компани «Асгард». Дизайныл ма дарддæр дæр куыст цæудзæн.
Бæрæг куыд у, афтæмæй туристты нымæц майы фæфылдæр вæййы. Республикæ йæхимæ лвасы канд чъиритæй æмæ æрдзæй нæ, фæлæ ма ардæм цæуынц, скифты, сæрмæтты, æмæ алантимæ баст цыртдзæвæнты истори базонынмæ. Цы арт–объекттæ æвæрд цæуы, уыдоныл та туризмы райрæзты фонд сфидар кодта сæрмагонд информацион фæйнæджытæ.
Дзæуджыхъæуы историон бынæттыл атезгъо кæнын у маршруты æнæмæнг хай. Сервисы мобилон оператортæй иуы бæрæггæнæнтæм гæсгæ фарон республикæ бабæрæг кодта 600 мин адæймаджы. Ацы аз та æнхъæлмæ кæсынц фылдæр бæлццæттæм.
Бирæтæ Цæгат Ирыстон равзарынц зонгæты уынаффæмæ гæсгæ. Уæвгæ та, иу хатт чи бабæрæг кæны Ирыстон, уымæн, æнæмæнг, дыккаг хатт æнæ æрбацæуæн нæ вæййы.
