Уым кусынц, паддзахадон æххуысы фæрцы социалон контракттæ чи бафыста, уыдон
Дзанайты Барис бабæрæг кодта бизнес-фæзтæ. Уым кусынц, паддзахадон æххуысы фæрцы социалон контракттæ чи бафыста, уыдон. Зæгъæм, Юлия Контопаулосы æрмадзы куыст цæуы алыхуызон æрæмгимæ: сæрак, æфсæйнаг, хъæдæрмæг. Уыдоныл ис лазерæй нывтæ скæнæн. Стæй ма национ æууæлтимæ сувениртæ самал кæнын. Ахæм продукци ныр тынг зæрдиагæй агуырнц. Уымæ гæсгæ æрмадзы нысан кæнынц сæ архайд фæпарахатдæр кæнын. Дзанайты Барис профилон министрадæн бабар кодта уæлæмхасæн æххуысы мадзæлттыл бакусын. Премьер ма бабæрæг кодта æнахъом сыввæллæттæн ирхæфсæн центр «Гудвин». Уым арæзт фæцæуынц тематикон конкурстæ, ахуыр кæнынц фæсарæйнаг æвзæгтæ. Уымæй дарддæр скъоладзаутæн æххуыс кæнынц хæдзармæ куыст кæнын æмæ фæлварæнтæм цæттæ кæнын дæр. Паддзахадон æххуысы фæрцы центры самал кодтой техникæ æмæ хъæддзаума. Цæгат Ирыстон фыццæгты хсæн райдыдта паддзахадон æххуыс кæнын, социалон контрактты бындурыл. Фæстаг дыууæ азмæ уыцы нысантæн радих кодтой 400 милуан сомæй фылдæр. Ацы аз ма паддзахадон æххуыс райсдзысты мин æмæ 500 адæймаджы онг, æдæппæтæй 270 милуан сомæн.
