Бæрнон кусæг куыд бафиппайдта, афтæмæй, 2021-æм азимæ абаргæйæ, 2022-æм азы хъæдты зынгсирвæзтытæ зынгæ къаддæр уыди, уыимæ, æртæ хатты фæкъаддæр, хъыгдард чи баййæфтой, уыцы фæзуæттæ дæр
Республикæйы хицауады сæрдары фыццаг хæдивæг Æгъуызарты Мурат архайдта, УФ-йы вице-премьер Виктория Абрамченко зынгсирвæзтытæй тæссаг сезонмæ цæттæ кæныны фарстаты фæдыл цы видеоконференци сарæзта, уым. Бæрнон кусæг куыд бафиппайдта, афтæмæй, 2021-æм азимæ абаргæйæ, 2022-æм азы хъæдты зынгсирвæзтытæ зынгæ къаддæр уыди, уыимæ, æртæ хатты фæкъаддæр, хъыгдард чи баййæфтой, уыцы фæзуæттæ дæр. Фарон регионтæн фæрæзтæ дих кæнын райдыдтой дыууæ хатты фылдæр. Уый фæрцы, регионы парашютон-десантон къорды уæнгтæ фæфылдæр сты мин адæймаджы. Арæзт æрцыди цæстдарджыты уæлæмхасæн маршруттæ дæр. Субъектты зынгхуыссынгæнæн дæлхайæдтæ ифтонггонд цæуынц æнæмæнг хъæугæ техникæ æмæ кусæнгæрзтæй. Национ проект «Экологи»-йы фæлгæты регионтæ райстой 46 мин иуæджы техникæ æмæ зынгсирвæзтыты ныхмæ тох кæныны нырыккон кусæнгæрзтæ, æдæппæтæй 17 млрд сомы аргъæн. Æмбырды ныхас цыди регионтæн æххуыс кæныны фарстатыл. Вице-премьер финансты, æрдзон æвæрæнты æмæ экологийы министрадтæн, стæй Уæрæсейы хъæууон хæдзарадмæ цæстдарды управленийæн бахæс кодта, фæрæзтæ исыны фæткы гæххæттытæ цæттæ кæныны æмгъуыд фæрæвдздæр кæнын. Регион хъæдты зынгсирвæзтытæ уадзыны фарстайы арæх рæдыдтыты куы уадза, уæд исгæ дæр кæндзæн къаддæр коэффицент. Размæ вæрд хæстæ афоныл чи æххæст кæна, уыдон та исдзысты фылдæр фæрæзтæ, загътой æмбырды.
