Зæгъын хъæуы уый, æмæ 2021-æй 2023-æм азмæ культурон хъæппæристы Президентон фонды фæрцы Цæгат Ирыстонæй æххуыс райстой 13 проекты, æдæппæтæй 30 милуан соммæ хæстæг
Цæгат Ирыстоны Сæргълæууæг Сергей Меняйлойæн кусæг фембæлд уыди культурон хъæппæристы Президентон фонды генералон директор Роман Кармановимæ. Республикæйы разамонæг куыд фæнысан кодта, афтæмæй Фондæн УФ-йы Президент Владимир Путины уынаффæмæ гæсгæ, бындур æвæрд æрцыди 2021-æм азы, æмæ нымад у, социалон ахадындзинад кæмæн ис, ахæм æнæкоммерцион, коммерцион æмæ муниципалон организациты, стæй культурæйы къабазы чи архайы, ахæм амалхъом адæмæн финансон æххуысы сæйраг фæрæзтæй иуыл. Зæгъын хъæуы уый, æмæ 2021-æй 2023-æм азмæ культурон хъæппæристы Президентон фонды фæрцы Цæгат Ирыстонæй æххуыс райстой 13 проекты, æдæппæтæй 30 милуан соммæ хæстæг. Фембæлды ныхас цыди Цæгат Ирыстоны æмæ Фонды хсæн æмгуыстадыл. Роман Кармановæн ма фембæлд уыдзæн республикæйы æнæкоммерцион организациты, бизнесы, æмæ муниципалон куыстуæтты минæвæрттимæ дæр. ЦИПУ-йы ЮНЕСКОйы залы æрныхас кæндзысты Фондæй гранттæ исыны гæнæнтыл, æмæ сæ культурæйы, аивады æмæ креативон индустрийæйы къабæзты райрæзтыл баххæст кæныныл.
